365 Days – Urdu

جس ترتیب سے یہ کتاب تحریر کی گئی اس کو مد نظر رکھتے ہوئے اس کتاب کا نام 365 دن رکھا گیا ہے۔ یہ کتاب قمری تاریخوں کے لحاظ سے تحریر کی گئی ہے۔ اس میں سیرت و تعلیمات حضرت محمد ﷺ حضرت مهدی موعود علیہ السلام فرائض نبوت و ولایت سیرت خلفاء خاتمین پاک، بزرگان دین کے علاوہ معاشرہ میں رہنے کے لئے تعلیمات اسلامی اور بنیادی باتیں جو ضروری ہیں۔ اس کو بھی پیش کرنے کی کوشش کی گئی ہے۔ اس کتاب میں تقریباً تمام اُمور پر جن سے واقف ہونا ضروری ہے اس کو سرسری طور پر انتہائی سادگی کے ساتھ مختصر سے مختصر جملوں میں پیش کرنے کی کوشش کی گئی ہے۔ مطالعہ کے دوران کوئی غلطی نظر آ جائے تو سہو سمجھ کر معاف کر سہو سمجھ کر معاف کر دیں۔ اور اس کی اطلاع دیں تا کہ صحیح کر دی جائے ۔ تا اس کتاب کو تحریر کرنے کا اولین مقصد تعلیم و تربیت ہے۔ ہمارا معاشرہ اس وقت کن کن حالات سے گزر رہا ہے تمام پر عیاں ہے۔ فقیر کی خواہش ہے کہ قمری تاریخ کے لحاظ سے روزانہ ہر گھر میں ایک وقت مقررہ پر سب کو جمع کر کے سنایا جائے ۔اس کے ساتھ متولیان مساجد سے اد با گزارش ہے کہ کسی ایک نماز میں ( جس نماز میں مصلیوں کی تعداد زیادہ ہوتی ہے ) قمری تاریخ کے لحاظ سے پڑھ کر سنانے کا انتظام فرمائیں ۔ اس کے لئے زیادہ وقت نہیں لگے گا۔ انشاء اللہ اس سے سامعین کے دینی معلومات میں اضافہ اور ایمان و عقیدہ میں پختگی آئے گی۔